بارتشن و خيمة رمضانية لجمع التبرعات لحملة الخير فى رمضان بالزقازيق لشباب 6 ابريل بالشرقية

فى اطار خدمة و تنمية المجتمع و ضمن فعاليات حملة الخير رمضان قام شباب 6 ابريل الشرقية بعمل خيمة رمضانية و بارتشن لجمع التبرعات لشنط رمضان و كساء الفقراء

و قد استمرت الفاعلية لمدة ثلاثة ايام على التوالى من الساعة 5 عصراً و حتى الساعة 12 مساءً بمنطقة وسط المدينة (امام عمر افندى) بالزقازيق قام الشباب خلالها بجمع مبلغ من التبرعات المادية و العديد من السلع التموينية و الملابس لعمل شنط رمضان و كساء الفقراء فى القرى الفقيرة بمحافظة الشرقية

و قد لاقى الشباب تشجيعاً و اقبالاً ملحوظاً من اهالى الشرقية عكس مدى كرم اهل الشرقية الكرام

و قد اكدت د/ آيه ابو زيد المسؤولة الاعلامية للحركة بالشرقية ان جمع التبرعات مستمر حتى نهاية شهر رمضان 

و توزيع الشنط و الملابس يبدأ مع بداية النصف الاخر من رمضان و حتى نهاية الشهر الكريم

و أكدت ايضاً على استمرار الحركة فى عمل الخير و الاحساس بالفقراء و الالتزام بمبدأ الفقراء اولاً

تحقيق : " هناء جمال " .. ضحية جديده من ضحايا بلطجة الداخلية (بالفيديو)

 بعد ثورة 25 يناير , يصعب تصديق استمرار سياسات الاستقواء بأمناء الشرطة و بلطجة أقسام شرطة بكاملها ضد مواطنة و أسرتها , و استخدام قسم الشرطة لنفوذه فى تلفيق التهم ضد والد فتاة و أخوها فقط لأنهم قدموا بلاغا ضد كارثة اطلاق امين شرطة بالقسم النار من مسدسه مما اصاب الفتاة ” هنا جمال ” باصابة نارية فى الفخذ أضرت بمستقبلها كبطلة رياضية للكاراتيه بعد فوزها ببطولة الجمهورية فى الكارتيه على مستوى مصر

و هنا فيديو لهناء تروى فيه الحكاية كاملة 

و القصة حسب رواية أخوها ” خالد جمال ” كالتالي :

* بعد الثورة , اتفق أهالي المربع الذي أسكن به ( في المجاورة 54 ) علي عمل أماكن في الباركن لركن سياراتنا به خوفا عليها من السرقة ولنا مكان مخصص في هذا الباركن .

… * في ساعة متأخرة من الليل تقريبا 11 ذهبت لأركن سيارتي في المكان المخصص لي والذي يعرف كل الجيران أن هذا المكان لي

فوجدت سيارة أحد الجيران فذهبت له وطلبت منه أن ينقلها لأضع سيارتي مكانها فرفض ولم يتحاور معي .

* أوفدت إليه بعض الجيران ليستأذنوه في نقل سيارته فأصر علي موقفه ورفض .

* فاضطررت لأن أركن سيارتي أمام سيارته .

* خرج من شباك شقته واتصل علي محامي يعرفه وقال بصوت عال امام الناس ” ياعصمت هاتلي قسم ثان كله هنا دلوقتي ” .

* مرت ساعات طويلة خرجت أنا ووالدي وأخي من منزلنا وتركنا والدتي واخواتي البنات .

* فوجئت والدتي وأخواتي البنات الساعة الثالثة فجرا بأمين شرطة من قسم ثان ” محمد ابو الخير” ،

وثلاثه ينزلون من سيارة ملاكي ويقومون بمحاولة نقل سيارتنا وابعادها .

* نزلت والدتي واخواتي الاثنين وصرخا فتجمهر الأهالي .

* انسحب الثلاث المتواجدين ورفع امين الشرطة السلاح وهدد بإطلاق النار .

* تجمهر الأهالي أكثر وحاولوا منع أمين الشرطة من ضرب النار إلا أن أمين الشرطة ارتبك واخذ يطلق النار ويتراجع .

* أصابت أختي هناء في هذه الأثناء طلقة في أعلي فخذها الأيسر وتم نقلها الي التأمين الصحي

ومنه الي المركز الطبي العالمي وتركيب مسمار لها .

* ذهب أخي الأكبر لتحرير محضر ضد أمين الشرطة وجاره في قسم ثان

فتم حبسه وحجزه وتحويله علي النيابة بتهمة التعدي علي السلطات .

* ذهب أبي لأخي فتم حجزه أيضا بنفس التهمة .

* تم مساومة أبي وأخي للتنازل عن المحضر ..

وتنازلوا لكي يروا أختي هناء ويعتنوا بها حيث أن حالتها كانت متدهورة تماما بمستشفي المركز الطبي العالمي , وكان لابد من اجراء عملية لها “

تم الاتصال من المحامي الخاص بهناء جمال ليتم تحديد ميعاد لأخذ اقوال المجني عليها.

فوجئ المحامي بطلب وكيل النيابه باستدعاء هناء في نفس اليوم بدون علم سابق بالميعاد.

اتصل المحامي باسرة هناء لاحضارهاواعلم وكيل النيابة ان هناء لا يمكنها التحرك بمفردها.

وانها ستأتي بواسطة سيارة اسعاف .

وافق وكيل النيابة بذلك ولم يعترض باي شكل من الاشكال.

انتقلت هناء من منزلها بواسطة سيارة الاسعاف لمقر النيابة لأخذ اقوالها .

ولكنها لسبب اصابتها فهي لا تستطيع المشي والتنقل بمفردها .. فرفض وكيل النيابة اخذ اقوالها وهي على السرير المتحرك الخاص بعربة الاسعاف مع العلم ان هناء واعية وفي كامل قواها العقلية.

استائت اسرة هناء من سوء المعاملة من افراد الشرطة وهذا ما تندد به حركة شباب 6 ابريل ..

فكرامة المصري فوق كل اعتبار 

كل ما في الموضوع انها لا تستطيع الوقوف على قدميها بسبب الاصابة

بعد رفض وكيل النيابة اخذ اقوالها حدد ميعاد بعد العيد مدعيا انه لا يمكن استجوابها وهي على سرير متحرك !!!

و السؤال الآن : هل هذا يجرى بعلم وزير الداخلية و الذى يتساهل مع اخطاء ضباط و أمناء الشرطة كسياسة عامة تسهل ” رجوعهم لضبط الانفلات الأمني ” ضد البلطجية ؟

و ما فائدة حماية الشعب من بلطجية مجرمين .. اذا كانت البلطجة تصدر ممن يفترض بهم ان يحموا تلك الأسرة و ليس ان يرهبوها و يرعبوها لصالح أحد زملائهم ؟ ( و هو ما يحدث حتى الآن يوميا للأسرة )

و أين الكرامة و النخوة من قسم شرطة تواطأ على حماية أحد زملائهم .. و تواطأوا ضد فتاة صغيرة و اسرتها ؟

.. و حتى لا يتسرع أحد و يكذبنا بدعوى عدم وجود محضر

فإن صورة الوثيقة لتقرير المركز الطبي العالمي ( بعد خروجها ) تثبت الواقعة ضمنا و اصابة الطلق الناري

ونحن لدينا لدينا وثائق اضافية , سنبرزها على التوالي , اذا وجدنا تجاهلا , و لم نجد استجابة ( حقيقية ) و ليس اعلامية فقط , و نحن هنا نكتفي الآن بوضع المعلومات بين يدي من يهمه الأمر .. و نطالب بالتحقيق فى الواقعة و إعلان النتيجة سريعا كي نتأكد ان وزارة الداخلية قد حدث بها تغيير حقيقي على مستوى المحافظات و كل مكان على أرض مصر .. و أن امبراطورية أمناء الشرطة البلطجية قد انتهت

و نحن نهيب بكل من رصد تجاوزا مشابها او انتهاكا لحقوقه كمواطن مصري

ان يرسل لنا الوقائع موثقة بالفيديو و الصور كي ننشرها و ننبه اليها فور التحقق من جديتها

وقفة صامتة بالملابس السوداء لنصرة سوريا لشباب 6 ابريل و شباب الشرقية الاحرار

قام شباب 6 ابريل الشرقية بمشاركة شباب الشرقية الأحرار بالدعوة لوقفة صامتة بالملابس السوداء من أجل نصرة الشعب السوري الثائر تحت شعار "فاكرين سوريا" 

استمرت الوقفة من الساعة السابعة مساء و حتي الساعة الثامنة و النصف مساء، و قد قام الشباب بحمل لافتات تحمل عبارات تضامنية مع الشعب السوري و بعض الصور التي توضح وحشية نظام بشار مع الشعب السوري و حتي النساء و الأطفال


و قد لاقي الشباب تشجيعا و اقبالا علي الوقفة من مواطنين الشرقية الأحرار

حملة تجميل المدينة لشباب 6 ابريل العاشر من رمضان

فى اطار خدمة و تنمية المجتمع قام شباب 6 ابريل العاشر من رمضان بحملة تنظيف و تجميل لشوارع مدينة العاشر من رمضان تحت شعار "معاً لتجميل المدينة" ضمن فاعليات حملة نبض المواطن.

حيث قد قام الشباب باعادة دهان الحوائط المشوهه بعبارات تسئ للمنظر العام للمدينة  و رسم مكانها بعض الصور التى تحث على المحافظة على نظافة المدينة و ايضاً المحافظة على الثورة و بلدنا العزيزة مصر;  و قد بدأ الشباب بوسط المدينة و منظطقة الاردنية 


و قد لاقى الشباب ترحيباً و تشجيعاً كبيراً من الاهالى و حث على الاستمرار من اجل رفعة الوطن التى نسعى اليها جميعاً

شباب 6 ابريل
عين تراقب .. و يد تبنى

كتب أحمد الحسيني : اتركني لأتعلم!

 أحمد الحسيني

"""إنقاذك للآخرين أحيانا يؤجل تعلمهم للدرس الذي يحتاجونه كي ينضجوا وكذلك إذا حميت شخصا آخر من الألم ، فإنك تدمر دافعه""
لو بصينا في الحكمة دي هنلاقي أنها متكونة من نصين النص الأول اللي هو بيتعلق بإنقاذ الناس والنص التاني اللي هو تأجيل النضج أو تدمير الدافع 

احنا هنناقش كل نص لوحده وبعد كدا نضم الاتنين علي بعض
""إنقاذ الآخرين"" أو ممكن نقول بأسلوب أبسط ""مساعدة الآخرين"" مصطلح جميل جداااااا بيحمل جواه معاني غاية في الروعة ياااه لما تساعد الناس اللي حواليك أو تبذل كل اللي عندك عشان تخليهم مبسوطين او تحميهم من مشكلة هما فيها حاجة زي دي ليها فوائد كتير منها أنك هترضي ربنا ومنها أنك هتاخد ثواب وهتكسب حب الناس إلي آخره ، في ناس بقي من كتر ماهي شخصيات ودوة تلاقيها تلاقائيا بتحب تساعد الناس من غير ما تفكر.
النص التاني : إيه دا كلوا من كلامك فوق معني كدا أن المساعدة لا بتأجل درس ولا بتدمر دافع ولا حاجة يبقي كدا انا غلط ، مممممممممم ، لأ مش غلط أنت صح وهو صح المساعدة بتخلي الناس تحبك والمساعدة بتأجل الوقت اللي هما محتاجينه عشان ينضجوا
-الله الراجل دا شكلوا بدا يخرف كدا إزاي الاتنين صح
-هقولك إزاي الاتنين صح افرض أن في واحد بيغرق قدامك تقدر تقول انا مش هساعدو ؟؟؟
-لأ طبعا هساعدو
-بس افرض أنت تعرف اتنين من الناس عادي يعني واحد منهم صاحبك أوي وبتحبه والتاني مجرد زميل بس الاتنين دول صحاب جداااا وللأسف ان اللي بالنسبة ليك زميل دا شخصيته وحشة منافق أو قول مثلا كذاب مثلا يعني وأنت بتحب التاني دا أوي وعايز تنصحه هتعمل إيه؟
-بص انا هروح أساعده وانصحه وأعرفه أنه كداب عشان انا بحب الصديق دا أوي ومش عايزه يندم وهفضل أنصحه لغاية ما يسمع الكلام
-شوفت بقي أنت كدا غلطان إزاي.......الصح أنك متنصحش غير مرة واحدة لو مسمعش الكلام يبقي تسيبه
-أنت أهبل يا ابني أسيب مين لا ياعم لازم أنصحه
-طب افرض أنك نصحته واستجاب لنصيحتك النهاردة هايبقي شعورك إيه ؟
-هبقي مبسوط طبعا
-شوفت بقي أنك غلطان أنت لو نصحته دلوقتي هييجي بكرة برده واحد يكدب عليه وهيصدقه تاني وهيقع تاني في نفس الغلطة
-ساعتها هنصحه تاني
-بس أنت مش جانبه طول العمر
- ممممممممممممممممم طب عايزني أعمل إيه ؟؟ ما انا خايف عليه
-أنت لو خايف عليه بجد يبقي لو نصحته مرة ومسمعش سيبه هايتلسع مرة من الغلط وهيعرف ساعتها أنه كان غلطان وأنت صح هتسألني أنت كدا مش عايز مصلحته هاقولك لأ انا عايزها; ليه لأن اللي بيتلسع مرة من النار مابيحطش صابعه فيها تاني
-بس معني كلامك انك عايزني أقف متفرج من غير ما أعمل حاجة ؟؟
-اه دا معني كلامي صدقني لو بتحب صاحبك دا أوي سيبه أنت لو فضلت تنصح فيه هيعتمد عليك علي طول وهيفقد خبرته في الحياة
((مش كل الناس اللي بتحبها تقدر تساعدها بإيدك أو بلسانك لأ في ناس ماعندكش حل غير أنك تساعدها بصمتك لو فعلا بتعزهم ، الخبرة في الحياة بتقود سنين قدام لأن مافيش دروس أجمل من دروس مدرسة الحياة أنما لو واحد بيقودك وهو اللي بيقولك اعمل كذا وكذا حتي لو هو صح اعرف أنك ساعتها فقدت قدرتك علي اكتساب الخبرة في الحياة ، في ناس كتير بتبقي عزيزة علينا بتقع في مشاكل كتير ولكن مابيبقاش قدامنا غير أننا نقف ونتفرج مش بنتفرج هما بيعملوا إيه لآ بنتفرج هايطلعوا من المشكلة دي بفايدة ولا لأ ، مش مهم المشكلة اللي هتواجهك المهم الدرس اللي هاتطلع بيه من المشكلة دي ماتسمحش لمشكلة ماضي أنها تتحكم في الحاضر بتاعك لأنها لو سيطرت عليه يبقي مستقبلك بيتدمر
عش حياتك بعقل منير وقلب جرئ واجه الماضي ماتنساهوش لأ خليك فاكره وسجل في دماغك الدرس اللي اخدته لأنك لو فضلت تقع تقع من غير ما تعرف أنت وقعت ليه يبقي عمرك ما هتكبر لو واجهتك مشكلة اعرف أن ربنا أنعم عليك من فضله عشان عايزك تتعلم دلوقتي عشان لما تكبر تقدر تتكيف مع الناس والحياة ولو في يوم حصل وانت قاعد بتقلب في ذكرياتك وقابلتك مشكلة عادية أنت قابلتها في حياتك لو حتي كانت اكبر مشكلة ماتعيطش جمبها لأ اضحك وابتسم ولو افتكرت واحد سببلك أكبر كم من المشاكل أوعي تتضايق أو تتعصب لأ اشكره واشكر ربنا أنه حطهولك في طريقك عشان تتعلم عليه))"

------
أحمد مجدي الحسيني
كاتب مصرى

حملة تجميل المدينة لشباب 6 ابريل العاشر من رمضان

فى اطار خدمة و تنمية المجتمع قام شباب 6 ابريل العاشر من رمضان بحملة تنظيف و تجميل لشوارع مدينة العاشر من رمضان تحت شعار "معاً لتجميل المدينة"

حيث قد قام الشباب باعادة دهان الحوائط المشوهه بعبارات تسئ للمنظر العام للمدينة  و رسم مكانها بعض الصور التى تحث على المحافظة على نظافة المدينة و ايضاً المحافظة على الثورة و بلدنا العزيزة مصر; بدا الشباب بمنطقة قصر الثقافة و مدرسة الثانوية بنات كبداية للحملة مع وعد بالاستمرار


و قد لاقى الشباب ترحيباً و تشجيعاً كبيراً من الاهالى و حث على الاستمرار من اجل رفعة الوطن التى نسعى اليها جميعاً


شباب 6 ابريل
عين تراقب .. و يد تبنى