تغريدات مصرية (6) .. بقلم محمود مطر

أواصل في التغريدة السادسة الكتابة فيما يخص كل مستجدات السياسة من

أخبار ومتغيرات تحدث يوميا .

هناك مواضيع كنت أتمني أن اكتب فيها لكن ما يحدث أمامي من متغيرات

يجعلني أغير من مقالي وأتحدث عن بلطجة الداخلية ؟؟؟؟

فيبدو أن الداخلية تريد العودة إلي الدولة البوليسية وهذا لن يكون ويبدو انه

لا ينفعها معها تطهير أو حتى معالجة وأنها تسير بنفس السياسات القديمة مع

تغيير الأشخاص فقط ..

فض الاعتصامات بالقوة لماذا تزيد الاحتقان والناس في حالة ضيق شديد

لماذا العنف آم أنكم تعودتم علي ذلك الم تفهموا أيها الأغبياء أننا قمنا بثورة

الظلم والفساد والرشوة والمحسوبية .

إن استخدام القوة يعيدونا إلي الوراء وذلك لن يحدث والقوة المفرطة

التي تستخدمها لن تغير نظر الناس عنكم سوي أنكم بلطجية  أتريدون أن

تظهروا للناس العيون الحمراء لكنكم نسيتم أن الشعب بات لا يخاف أي

شئ سوي الله ..

ألا تتعظوا مما حدث لكم في الثورة  إن غباء البعض يضر بالجميع ..

أيضا لماذا تم مسح الجرافيتي من شارع محمد محمود هل لأنها تذكركم

بأفعالكم القذرة وقتلكم للشهداء أقول لكم إن مسح الجرافيتي ليست من

الإنجازات التي تفتخرون بها .

إن للحرية ثمن وطعم لن تفهموه أيها العبيد وان كنتم عاجزون عن الحلول

اتركوه لمن يريد التغيير الحق ..

واحب اقولهم امسح يا نظام جبان الثورة لسه مستمره

والدولة مسئولة أيضا في تزايد الاعتصامات وغباء بعض المسئولين نتج

عنه اضرابات شاملة في الدولة إما أن تزيد رواتب الكل

وإما تقول ليس هناك أموال وسنزيد ها بعدما تبدأ عجلة الإنتاج في الدوران لكن لأتزيد

جهة وتهمل الاخري فأنت بذلك تزيد الطبقات ولا تراعي العدل ..

الدولة المصرية بها مسئولين لا يعرفون كيفية إدارتها ..

لكي الله يا مصر والثورة لازالت مستمرة

الله الوطن 6 ابريل

-----------------------

بقلم: محمود مطر

عضو حركة 6 ابريل الشرقية

حلم المصري البسيط .. تأليف محمود مصطفى

(حلم المصري البسيط)

انا مش حلمي عربية شيفروليه ولا شقة في محرم بيه 

ولا حتي شاليه انا اصلا مش باشا ولا بيه 

ياعم احنا ولادها المطحونين

حلمنا نعيش فيها بس من غير آنين

صوتنا يوصل للمسئولين 

اللي فات كان كله طين 

واحنا النهاردة متفائلين 

انا ديما كنت بحلم اكون حر صوتي حر 

والعدالة علي الكل ولا يفرق وزير من غفير 

الحلم بسيط مفيش تعقيد 

العيش والحرية والعدالة الاجتماعية واني اكون في امن وامان 

دي مش احلام جنان

ده حلم ابسط من البسيط ولا احنا ماشيين بالتنقيط 

دي الحرية اندفع فيها الدم 

ولا انت عامل نفسك مش من هنا ياعم 

علي العموم حلمنا مستمر معانا 

عمرنا ما هنتخلا عنه ولا هنفرط فيه 

اصل اللي يفرط في دمه يبقي خسيس 

اخوك يموت علشان تبقي الكرامة محفوظة 

وانت تبيع دمه زي ................. مهما كمان باعوا 

يارب حقق ليا حلمي ده حلم بسيط 

وانقذ الوطن من ال............. وكلابهم

والله ده حلم بسيط انا لا باشا ولا بيه 

ولا انتوا شايفين ايه 

------------------------------------

قصيدة 

حلم المصري البسيط

 

اهداء الي المواطن المصري البسيط 

تأليف الشاعر : محمود مصطفى

عضو حركة شباب 6 ابريل الشرقية

الوطن وحلم العودة .. تأليف محمود مصطفى

(الوطن وحلم العودة )

ما بين الكلمة والكلمة هناك كلمات

وما بين الوطن والعودة اليه يوجد مسافات

اري كلابهم تنبح وتحوم حول الشرفات

هكذا صار الوطن مقسم الي درجات

والاعداء ينظرون الينا والي تمزقنا ونحن نظر لهم ولا نسطتيع ان نوجه

لهم الويلات

واختبئنا خلف الجدار ننتظر المعونات

والحر في هذا الوطن يرمي في السجون ويصبح كالاموات

كل مشكلته انه احب الوطن وقال للطغاة لا

هل اصبح حب الوطن جريمة يعاقب عليها الثوار

هل هذا قانونهم هل هذه اساليبهم ؟؟

ان كانت كذلك فشرف لي انا ادخل السجن وانا احب الوطن

وايضا في وطني هذا من كان من كلابهم وتطخت يديه بدماء الابرار

يعملوله جنازة وزار

الله يرحمكوا يا ثوار شهداء ابرار

لا وكمان مش اكتفوا انهم يسجنونا دول في سمعتنا وشوهوها


والخطة اترسمت صح ولعبوها

اصلهم 19 لاعب لبعض باصوها وفي سمعتنا شطوها

وقالوا كتير عنا شباب مسيس ومغيب وسطحي وكمان بياخد تمويل

اجنبي

ضحك الشباب ضحكة سخرية وقال صلي علي النبي (ص)

متقول ياعمنا براحتك انا عمري ما هخليك تاخد راحتك

واسيبك تعمل مابدالك انسي وان كنت فاكر اني ضعيف

تبقي متعرفش يعني ايه عزيمة الشباب هتكسر وتحطم الابواب

احنا مش خايفين وفي الثورة مكملين رغم حقد الحاقدين

ورغم كلام الاعلاميين المنافقين

احنا مش بالسهولة نستسلم حتي لو ضحينا بكل الموجودين

احنا عاوزين نعمر البلد ونخليها احسن واحسن للي عايشين

يارب عينا عليهم وعينا نخلي مصر بلد الامن والامنين


مابين الكلمة والكلمة هناك كلمات


وما بين الوطن والعودة اقتصرت المسافات

-----------------

قصيدة الوطن وحلم العودة 

تأليف الشاعر : محمود مصطفى

عضو حركة شباب 6 ابريل الشرقية

كتب أحمد الحسيني : اتركني لأتعلم!

 أحمد الحسيني

"""إنقاذك للآخرين أحيانا يؤجل تعلمهم للدرس الذي يحتاجونه كي ينضجوا وكذلك إذا حميت شخصا آخر من الألم ، فإنك تدمر دافعه""
لو بصينا في الحكمة دي هنلاقي أنها متكونة من نصين النص الأول اللي هو بيتعلق بإنقاذ الناس والنص التاني اللي هو تأجيل النضج أو تدمير الدافع 

احنا هنناقش كل نص لوحده وبعد كدا نضم الاتنين علي بعض
""إنقاذ الآخرين"" أو ممكن نقول بأسلوب أبسط ""مساعدة الآخرين"" مصطلح جميل جداااااا بيحمل جواه معاني غاية في الروعة ياااه لما تساعد الناس اللي حواليك أو تبذل كل اللي عندك عشان تخليهم مبسوطين او تحميهم من مشكلة هما فيها حاجة زي دي ليها فوائد كتير منها أنك هترضي ربنا ومنها أنك هتاخد ثواب وهتكسب حب الناس إلي آخره ، في ناس بقي من كتر ماهي شخصيات ودوة تلاقيها تلاقائيا بتحب تساعد الناس من غير ما تفكر.
النص التاني : إيه دا كلوا من كلامك فوق معني كدا أن المساعدة لا بتأجل درس ولا بتدمر دافع ولا حاجة يبقي كدا انا غلط ، مممممممممم ، لأ مش غلط أنت صح وهو صح المساعدة بتخلي الناس تحبك والمساعدة بتأجل الوقت اللي هما محتاجينه عشان ينضجوا
-الله الراجل دا شكلوا بدا يخرف كدا إزاي الاتنين صح
-هقولك إزاي الاتنين صح افرض أن في واحد بيغرق قدامك تقدر تقول انا مش هساعدو ؟؟؟
-لأ طبعا هساعدو
-بس افرض أنت تعرف اتنين من الناس عادي يعني واحد منهم صاحبك أوي وبتحبه والتاني مجرد زميل بس الاتنين دول صحاب جداااا وللأسف ان اللي بالنسبة ليك زميل دا شخصيته وحشة منافق أو قول مثلا كذاب مثلا يعني وأنت بتحب التاني دا أوي وعايز تنصحه هتعمل إيه؟
-بص انا هروح أساعده وانصحه وأعرفه أنه كداب عشان انا بحب الصديق دا أوي ومش عايزه يندم وهفضل أنصحه لغاية ما يسمع الكلام
-شوفت بقي أنت كدا غلطان إزاي.......الصح أنك متنصحش غير مرة واحدة لو مسمعش الكلام يبقي تسيبه
-أنت أهبل يا ابني أسيب مين لا ياعم لازم أنصحه
-طب افرض أنك نصحته واستجاب لنصيحتك النهاردة هايبقي شعورك إيه ؟
-هبقي مبسوط طبعا
-شوفت بقي أنك غلطان أنت لو نصحته دلوقتي هييجي بكرة برده واحد يكدب عليه وهيصدقه تاني وهيقع تاني في نفس الغلطة
-ساعتها هنصحه تاني
-بس أنت مش جانبه طول العمر
- ممممممممممممممممم طب عايزني أعمل إيه ؟؟ ما انا خايف عليه
-أنت لو خايف عليه بجد يبقي لو نصحته مرة ومسمعش سيبه هايتلسع مرة من الغلط وهيعرف ساعتها أنه كان غلطان وأنت صح هتسألني أنت كدا مش عايز مصلحته هاقولك لأ انا عايزها; ليه لأن اللي بيتلسع مرة من النار مابيحطش صابعه فيها تاني
-بس معني كلامك انك عايزني أقف متفرج من غير ما أعمل حاجة ؟؟
-اه دا معني كلامي صدقني لو بتحب صاحبك دا أوي سيبه أنت لو فضلت تنصح فيه هيعتمد عليك علي طول وهيفقد خبرته في الحياة
((مش كل الناس اللي بتحبها تقدر تساعدها بإيدك أو بلسانك لأ في ناس ماعندكش حل غير أنك تساعدها بصمتك لو فعلا بتعزهم ، الخبرة في الحياة بتقود سنين قدام لأن مافيش دروس أجمل من دروس مدرسة الحياة أنما لو واحد بيقودك وهو اللي بيقولك اعمل كذا وكذا حتي لو هو صح اعرف أنك ساعتها فقدت قدرتك علي اكتساب الخبرة في الحياة ، في ناس كتير بتبقي عزيزة علينا بتقع في مشاكل كتير ولكن مابيبقاش قدامنا غير أننا نقف ونتفرج مش بنتفرج هما بيعملوا إيه لآ بنتفرج هايطلعوا من المشكلة دي بفايدة ولا لأ ، مش مهم المشكلة اللي هتواجهك المهم الدرس اللي هاتطلع بيه من المشكلة دي ماتسمحش لمشكلة ماضي أنها تتحكم في الحاضر بتاعك لأنها لو سيطرت عليه يبقي مستقبلك بيتدمر
عش حياتك بعقل منير وقلب جرئ واجه الماضي ماتنساهوش لأ خليك فاكره وسجل في دماغك الدرس اللي اخدته لأنك لو فضلت تقع تقع من غير ما تعرف أنت وقعت ليه يبقي عمرك ما هتكبر لو واجهتك مشكلة اعرف أن ربنا أنعم عليك من فضله عشان عايزك تتعلم دلوقتي عشان لما تكبر تقدر تتكيف مع الناس والحياة ولو في يوم حصل وانت قاعد بتقلب في ذكرياتك وقابلتك مشكلة عادية أنت قابلتها في حياتك لو حتي كانت اكبر مشكلة ماتعيطش جمبها لأ اضحك وابتسم ولو افتكرت واحد سببلك أكبر كم من المشاكل أوعي تتضايق أو تتعصب لأ اشكره واشكر ربنا أنه حطهولك في طريقك عشان تتعلم عليه))"

------
أحمد مجدي الحسيني
كاتب مصرى

ما فيش بطالة.. طبقاً لنظرية عائشة للإنكار الهلاهيلى

أصيب البعض بالدهشة والتلبك المعوى من تصريحات السيدة عائشة عبد الهادى وزيرة القوى العاملة والهجرة، التى أعلنت فيها بكل ثقة وبراءة الوزراء فى عينيها أن مصر ليس فيها بطالة، ولا تعانى من أعراض الإطالة، وقالت إن مصر مزدحمة بفرص العمل التى لا تجد من يشغلها، وأن الشباب المصرى لا يقبل العمل داخل بلده ويفضل السفر للعمل فى الخارج ويفضل الرجوع بشنطة هلاهيل.

وهؤلاء المندهشون ليس عندهم أى حق وعليهم أن يكذبوا أعينهم أرجلهم ويصدقوا الوزيرة، خاصة ونحن فى موسم الفشر العام الانتخابى، وتستحق الوزيرة جائزة الاكتشاف المبكر للبطالة، والتوصل إلى نظرية الإخفاء التظاهرى المصحوب بفرص عمل،
وتتكون نظرية الوزيرة ـ التى طرحتها أمام مؤتمر فى بور سعيد ـ من عدة طبقات يمكن استخدامها فى الطفو فوق المشكلات، ولا نعرف ما إذا كانت وزارة القوى العاملة تقع فى مصر أم أنها هاجرت إلى منابع النيل للتأكد من براهين التجارب المزهرة.

وحسبما تذكر الأرقام الرسمية هناك ما لا يقل عن ثلاثة ملايين عاطل، تتضاعف فى الأرقام والإحصاءات غير الرسمية، وتتوالد فى الأرقام البلدية.. ولو أعادت الوزيرة قراءة برنامج الرئيس الانتخابى سوف تكتشف أن حكومة البرنامج يفترض أن توفر 6 ملايين فرصة عمل فى ست سنوات، ويذكر للسيدة عائشة أنها أثبتت أن البرنامج كان يتحدث عن فرص عمل فى بلد آخر، وربما كان برنامج الرئيس يقصد توفير 6 ملايين عاطل لفرص العمل الملقاة على قارعة الطرقات ولا تجد من يشغلها.

ومن المؤكد أن الوزيرة لم تسمع فى مجلس الشعب عن مليونى شاب يتم تعيينهم بعقود فى الحكومة بمكافأة 100 جنيه، ولم يكن رئيس وزرائها يعلم هو الآخر، وهى فرص عمل محسوبة ضمن البرنامج، بما يثبت صحة نظرية الوزيرة وتطبيقها بطريقة مشوية أو مقلية.

والواضح أن وزيرة القوى العاملة أصابتها عدوى الأرقام من الدكتور رقماوى المعروف بعثمان الذى نفى وجود الفقر، ولو انتشرت العدوى فى الحكومة بشكل متسع ربما نجد الحكومة تنكر وجود الزحام، وبالتالى تتخلص من مشكلة المرور، وتنفى وجود مرضى بالكبد والفشل والسرطان فينتهى المرض، وبهذا تعم الفائدة العظمى بفضل نظرية "التجاهل الحلولى للإنكار أم الخلولى".

وكانت هناك صفة لوزارة القوى المسماة عاملة زمان هى التدريب، بما يجعل من مهام الوزارة الميمونة إعادة تدريب الشباب لتنشيط مؤهلاته، وكنا نعرف أن هناك نظرية تصدير الشغالات والخدم للخارج، التى اندثرت من سنوات بعد إنكارها من الوزيرة.

وها هى الوزيرة تضاعف اكتشافاتها لتثبت أن هجرة الشباب وعملهم فى الخارج ترجع إلى رغبة فى تعذيب الذات، والبحث عن الهلاهيل، تأكيداً لنظرية السيدة عائشة فى الاستنكار التفاعلى.


أكرم القصاص
الكاتب باليوم السابع